Интернационален турнир „Скопје“ во Мусандра, организатор кк. Вардар

Викендот на 3 и 4 септември, кугларскиот клуб „Вардар 2014“ од Скопје беше домаќин на силен меѓународен турнир насловен „Скопје“. Покровител – Град Скопје.

По двегодишна Ковид пауза, конечно се одржа 4-тиот интернационален традиционален кугларски турнир СКОПЈЕ 2022 со учество на двете Вардарови екипи и гостите од Србија, КК Београд и КК Милош Обилиќ.
Екипен победник е повторно КК Београд, екипа која атакува кон врвот на Европа оваа сезона, додека А тимот на Вардар беше второпласиран, а трета беше екипата на КК Милош Обилиќ.

Во поединечна конкуренција, победи кугларот на КК Београд Давид Лаинчак со 601, втор беше нашиот претседател и куглар Димитар Димитровски со 583 и на третото место се пласираше репрезентативецот на светскиот шампион Србија и куглар на КК Београд, Александар Милинковиќ со 573.

Турнирот беше свечено отворен од страна на новиот претседател на КФМ, Игор Михајловски.